بە بڕیاری قوباد تاڵەبانی، 133 خوێندنگە لە سنوری ئیدارەی گەرمیان نۆژەندەکرێنەوە.

وتەی سەرپەرشتیاری ئیدارەی گەرمیان

جەلال شێخ نوری، سەرپەرشتیاری ئیدارەی گەرمیان لە کۆنگرەیەکی رۆژنامەوانیدا رایگەیاند: کۆنیی باڵەخانەکانی خوێندن گرفتیان بۆ بەڕێوەبەرایەتی پەروەردە و خوێندکاران دروستکردووە.

سەرپەرشتیاری ئیدارەی گەرمیان وتیشی، بە خۆشحاڵییەوە، قوباد تاڵەبانی بڕیاریدا، ئەو خوێندنگانەی کە لە سنووری ئیدارەی گەرمیان پێویستان بە نۆژەنکردنەوەیە، نۆژەنبکرێنەوە، ژمارەکە 133 خوێندنگەیە و بە شێوازێکی سەردەمیانە نۆژەندەکرێنەوە و هەموو پێداویستییەکیان بۆ دابین دەکرێن.

وتەی بەڕێوەبەری گشتیی پەروەردەی گەرمیان

مامۆستا محەمەد ئەحمەد، بەڕێوەبەری گشتیی پەروەردەی گەرمیانیش لە کۆنگرە رۆژنامەوانییەکەدا ئاماژەی بەوەدا، دەمێکە خوێندنگەکان نۆژەن نەکراونەتەوە، پێویستە باڵەخانەکان ببنە باڵەخانەی سەردەمیانە.

"قوباد تاڵەبانی بڕیاریداوە بە بودجەیەکی کراوە سەرجەم قوتابخانەکان کە پێویستیان بە نۆژەنکردنەوەیە، نۆژەنبکرێنەوە بە شێوازێکی سەردەمیانە"، بەڕێوەبەری گشتیی پەروەردەی گەرمیان وادەڵێت.

بە فەرمانی عەلی زەیدی، سەرۆك وەزیرانی عیراق، لیژنەیەكی لێكۆڵینەوەی هاوبەش گەیشتە كۆرمۆر.

بە فەرمانی عەلی زەیدی، فەرماندەی گشتیی هێزە چەكدارەكانی عیراق، لیژنەیەكی ئاسایشیی هاوبەش لە نێوان حكومەتی فیدراڵ و هەرێمی كوردستان بە مەبەستی لێكۆڵینەوە لە هێرشەكەی شەوی رابردووی سەر كێڵگەی غازی كۆرمۆر پێكهێنرا و رەوانەی شوێنی رووداوەكە كرا.

ئاسان جەلال پەیامنێری كوردسات نیوز رایگەیاند، لە ئێستادا لیژنەكە لە ناو كێڵگەی كۆرمۆرن و دەستیان بە بەدواداچوونەكانیان كردووە، بڕیاریشە لە كۆتایی لێكۆڵینەوەكانیاندا راپۆرتێكی ورد لەسەر هۆكار و شێوازی هێرشەكە ئامادە بكەن و رادەستی سەرۆك وەزیرانی عیراقی بکەن.

لەم بارەیەوە، نوسینگەی فەرماندەی گشتیی هێزە چەكدارەكان لە راگەیەندراوێكدا پشتڕاستی كردەوە كە فەرمانی دروستکردنی ئەم لیژنە هاوبەشە لەگەڵ لایەنە پەیوەندیدارەكانی هەرێمی كوردستان بە مەبەستی دۆزینەوەی لایەنە بەرپرسەكان و وردەكاریی پەلامارەكەی شەوی رابردوو بووە.

هێرشكردنە سەر كێڵگەی غازی كۆرمۆر لە رابردوودا زنجیرەیەكی درێژی هەبووە؛ بەجۆرێك لە ساڵی 2022ـەوە زیاتر لە 27 جار بە درۆن و مووشەك بۆردومان كراوە، هەرچەندە لە سەروبەندی بەشێك لەو هێرشانەدا لیژنەی لێكۆڵینەوە پێكهێنراون، بەڵام تا ئێستا ئەنجامدەرانی ئەو پەلامارانە بە رەسمی بە رای گشتی رانەگەیەندراون.

موەلیدەکانی ناوشاری هەولێر خشتەی نوێی کارکردنیان بۆدانراوە و لەکاتی بڕانی کارەبای نیشمانی دەبێت 14 سەعات کاربکەب.

هەژماری پارێزگای هەولێر لە تۆڕی کۆمەڵایەتی فەیسبوک رایگەیاندووە: ئومێد خۆشناو، پارێزگاری هەولێر، بۆ تاوتوێکردنی لێکەوتەکانی هێرشەکەی شەوی رابردووی سەر کێڵگەی غازی کۆرمۆر لەسەر رەوشی کارەبای نیشتمانی و بەمەبەستی رێکخستنەوەی رەوشەکە لەگەڵ بەڕێوەبەری گشتیی کارەبای هەولێر و سەرۆکی ئەنجومەنی مۆلیدە ئەهلییەکان و لایەنە پەیوەندیدارەکان کۆبووەتەوە.

لە پەیامەکەشدا هاتووە، بڕیاردراوە بە پابەندکردنی سەرجەم خاوەن مۆلیدەکانی سنووری ناوشاری هەولێر بە خشتەیەکی نوێی کارکردنەوە تا ئەو کاتەی رەوشی کارەبای نیشتمانی ئاسایی دەبێتەوە.

خشتەی دیاریکراوی کارکردنی مۆلیدەکان بەم شێوەیە؛

بەیانیان - 7:00ـی بەیانی تا 9:00ـی بەیانی

ئێواران و شەو - سەعات 1:00ـی پاشنیوەڕۆ تا 1:00ـی شەو.

بەپێی پەیامەکەی پارێزگای هەولێر، موەلیدەکانی ناوشاری هەولێر، لە دەرەوەی ئەم خشتەیەی كە بۆیان دیاریكراوە بە هیچ شێوەیەک بۆ خاوەن مۆلیدەکان ئەژمار ناکرێت.

وەزیری دەرەوەی ئێران هۆشداری دەداتە ئەمریکا و رایدەگەیەنێت، کاتی ئەوە هاتووە کۆشکی سپی بڕیاری کۆتایی خۆی بدات و هەڵوێستی خۆی لە نێوان شەڕ و ئاشتیدا یەکلا بکاتەوە.

عەباس عراقچی، وەزیری دەرەوەی ئێران رایگەیاند، پێشنیازی رێککەوتنی دوو رۆژەکە کە پێشکەشیان کردووە هێشتا بەردەوامە و لەسەر مێز ماوەتەوە.

ئاماژەی بەوەش کرد، ئەگەر ئەمریکا وەڵامی داواکارییەکانیان بداتەوە، لەوانەش کۆتاییهێنان بە شەڕ لە سەرجەم بەرەکاندا، ئەوا ئەنجامە ئەرێنییەکانی دەبینن.

لەلایەکی دیکەوە وەزیری دەرەوەی ئێران سەبارەت بە ئەگەری دەستپێکردنی جەنگ جەختی کردەوە، ئەگەر ئەمریکا رێگەی شەڕ هەڵبژێرێت، ئەوا هێزەکانیان لە بەرەکانی جەنگدا بە تەواوی لە ئامادەباشیدان.

عراقچی راشیگەیاند، دەنگدەرانی ئەمریکی بڕیاری خۆیان داوە و ئێستا کاتی ئەوە هاتووە کۆشکی سپیش بڕیاری خۆی ببات.

ترەمپ گەڕانەوە بۆ شەڕ لەگەڵ ئێران بە دوور دەزانێت، بەڵام جەخت لەسەر ئامادەیی بەرز و تەواوی هێزەکانی ئەمریکا دەکاتەوە بۆ هەر ئەگەرێک.

دۆناڵد ترەمپ سەرۆکی ئەمریکا رایگەیاند، ئەگەر دانوستانەکان لەگەڵ ئێران بەرەوپێشچوون بەخۆیەوە ببێنێت، ئەوا لە ئەگەرێکی دووردایە بڕیاری دەستپێکردنەوەی شەڕ بدات، بەڵام لە کاتی پێویستدا درێغی ناکات.

وتیشی، هێزەکانیان لە ناوچەکەدا جێگیر کراون و سێ کەشتیی فڕۆکەهەڵگریشیان لە ئامادەباشی تەواودان بۆ ئەنجامدانی هەر هێرشێک.

جەختیشی کردەوە، بڕیاری کۆتایی لەسەر گەڕانەوە بۆ شەڕ بەستراوەتەوە بەوەی ئایا ئێرانییەکان ڕێککەوتنەکە ئیمزا دەکەن یان نا.

سەرۆکی ئەمریکا، ئاشکراشیکرد کە بۆ ئەگەری هەر کردەوەیەکی سەربازیی نوێ، راستەوخۆ کۆمەڵێک ئامانجی دیاریکراویان لەناو ئێران دەستنیشان کردووە، لەوانەش وێستگەکانی بەرهەمهێنانی کارەبا و پردەکانی وڵاتەکە.