هەمەڕەنگ

وێنە و زانیاری..دۆخێکی نامۆ پیاوێکی ھندی دەگۆڕێت بۆ مار


دۆخێکی تەندروستنی نامۆ دەبێتەھۆی گۆڕینی پێستی پیاوێکی ھندی بۆ پێستێک کە درزی تێدابێت ھەروەھا ڕەنگەکەشی ڕەش ببێت بەم ھۆیەشەوە زۆر لە پێستی مار دەچێت.

ڕۆژنامەی دەیلی مەیلی بەریتانی ڕونیکرۆتەوە پێستی "Om prakash"ی تەمەن ٣٥ ساڵ ھەموو ١٠ ڕۆژ جارێک دەگۆڕێت ھەروەھا ئەم نەخۆشیە نامۆیە وایلێکردووە کە نەتوانێت بڕوات. 

Om prakash کە ئێستا بە پیاوە مارەکە ناسراوە بەھۆی ھەژاریەوە لە توانایدا نیە بچێتە لای پزیشک بۆ چارەسەر، ھەر بۆیە پەنای بردۆتە لای پیاوانی ڕۆحانی ئەوانیش ئەوەیان پێ  ڕاگەیاندووە کە بەر نەفرەت کەوتووە و  ھیچ چارەسەرێکی نیە.

سەرەڕای دووچاربوونی بەم نەخۆشیە prakash زۆر خۆشەویستە لای خەڵکی گوندەکەی و بەردەوام ھاوکاریشی دەکەن و زەیتونی پێدەدەن بۆ ئەوەی پێستی شێداربکات ھەروەھا ئازارەکەشی کەمبکاتەوە.

prakash ئاماژە بۆ ئەوە دەکات ئەم دۆخە تەندروستیەی وایکردووە بەردەوام ئازاری ھەبێت و ھیچ ھیوایەکی بۆ چاکبوونەوە نەبێت کە بتوانێت ژیانێکی ئاسایی لەگەڵ براکانی بەسەر بەرێت ھەروەھا بشتوانێت خێزان پێکبھێنێت.


10 مانگ پێشتر - Feb 19 2018 11:47AM
Print Friendly and PDF
زیاتر