تەندروستی

کاریگەریەکانی ڕشتنی فرمێسک لەسەر مرۆڤ


گریان دادەندرێت بە یەکێک لە ھەستە سروشتیەکانی مرۆڤ، کە لە دەربڕینی خۆشی یاخود ناخۆشیدا ھەندێک جار مرۆڤ دەگری.

فرمێسک چەند جۆرێکی ھەیە لەوانەش:

-ئەو فرمێسکەی کە بەھۆی ئەو کردارانەی کە لە ژیانی ڕۆژانەدا ئەنجامی دەدەین یاخود ڕوودەدات دروست دەبێت نموونە دوکەڵ ، پیاز ، یاخود ڕەشەبا لەم کاتەدا ئەو فرمێسکەی کە دەڕژێندرێت چاوەکان پاک دەکاتەوە.

-فرمێسکی سۆزداری: مرۆڤ کاتێک توشی حاڵەتی سۆزداری دەبێت وەکو کاردانەوەیەک بۆ ئەو دۆخە سۆزداریەی کە ھەیەتی فرمێسک لە چاوی دێتەخوارەوە .

-ئەوەش کەلەلایەن جۆگەی فرمێسکەوە دەردەدرێت: شلەیەکی دژە بەکتریایە و دەوڵەمەندە بە پڕۆتین، یارمەتیدەرە لە ھێشتنەوەی چاوەکان بە شێداری .

ئەمانەش کۆمەڵێک سودی ھاتنەخوارەی فرمێسکن لە چاوەکان:

١-کاریگەری ڕاستەوخۆی ھەیە لەسەر ھێورکردنەوە و پشودانی مرۆڤ.

٢-کەمکردنەوەی ھەستکردن بە ئازار و چالاکردنی ھەستی خۆشی لە مرۆڤدا.

٣-ژەھری لەش دەردەدات و قەلەقیش کەمدەکاتەوە، فرمێسک چەند ھۆڕمۆنێکی قەلەقی تێدایە جگە لە چەند ماددەیەکی کیمایی لە کاتی ڕشتنیان مرۆڤ ڕزگاری دەبێت لێیان .

٤-بەکتریا لەناودەببات بەم ھۆیەشەوە دەتواندرێت لە پاکردنەوەی چاوەکان سودی لێوەربگیرێت.

٥-یارمەتی مرۆڤ دەدات کە بە ئاسانی خەوی لێبکەوێت،چونکە دەردانی ئەو فرمێسکە مرۆڤ ھێوردەکاتەوە و ئارامیشی پێدەبەخشێت.

٦-بینینی مرۆڤ باش دەکات،بەتایبەتیش لە کاتی وشکبوونەوەی پەردەی چاو وادەکات چاوەکان شێداربێت.


3 هەفتە پێشتر - Feb 4 2018 1:51PM
Print Friendly and PDF
زیاتر