تەندروستی

کۆرۆنای نوێ کاریگەری لەسەر تەندروستی کەسانی خوار تەمەن ٣٠ ساڵ دروست دەکات

وەزارەتی تەندروستی حکومەتی هەرێم رایدەگەیەنێت چەند حاڵەتێکی گوماناوی توشبوون بە کۆرۆنای نوێ لە شارەکانی هەرێم هەیە و پێنج حاڵەتیش لە پارێزگای هەلێر تۆمارکراوە .

ئەمڕۆ د. ڕەهێڵ فەرەیدون بریکاری وەزارەتی تەندروستی هەرێم، لە کۆنگرەیەکی ڕۆژنامەوانیدا ڕایگەیاند، پێنج حاڵەتی توشبوون بە کۆرۆنای نوێ لە پارێزگای هەولێر تۆمارکراوە چەند حاڵەتێکی گومانلێکراویش لە شارەکانی تری هەرێم بوونی هەیە، بەڵام تا ئێستا هیچ حاڵەتێك لە سلێمانی بونی نییە .

ئەوەشی خستۆتەڕوو، کە کۆرۆنای نوێ هەمان نیشانەکانی کۆرۆنا باوەکەی هەیە بەڵام چەند تایبەتمەندیەکی هەیە کە بەخێرایی لەناو گەنجان و منداڵاندا بڵاودەبێتەوە، بە پێی ڕاپۆرتە جیهانیەکان کاریگەری لەسەر کەسانی خوار تەمەن ٣٠ ساڵ دروستدەکات .

باسیشی لەوەکردووە، لە ئێستادا هیچ ئەگەرێك بۆ دووبارە داخستنەوەی خوێندنگاکان و ڕاگەیاندنی قەدەغەی هاتوچۆ لەئارادا نییە .

بریکاری وەزارەتی تەندروستی ئەوەشی ئاشکراکردووە، لە سەرەتای هەفتەی یەکەمی مانگی ئازار دا ڤاکسینی دژە کۆرۆنا دەگاتە کۆگاکانی تایبەت بە هەڵگرتنی ڤاکسینەکە لە هەرێمی کوردستان، سەرەتا بەو کەسانە دەدرێت کە لە ‌‌هێڵی پێشەوەی ڕوبەروبونەوەی ڤایرۆسی کۆرنان .