تەندروستی

سود و بەکارهێنانی چەند میوه‌ و سه‌وزه‌یەک بۆ خزمه‌تكردن و هێشتنه‌وه‌ی جوانیت



١. ته‌ماته‌: ته‌ماته‌ كاریگه‌ریه‌كی گه‌وره‌ی هه‌یه‌ له‌سه‌ر هه‌موو جۆره‌ پێستێك و وه‌ك  پاكه‌ره‌وه‌یه‌ك بۆ پێست به‌كارده‌هێنرێت. هه‌روه‌ها ته‌ماته‌ بۆ بچوككردنه‌وه‌ی كونیله‌كانی پێست سودی هەیە.
 
٢. گێزه‌ر: گێزه‌ر به‌هۆی ده‌وڵه‌مه‌ندیه‌كه‌ی له‌ ڤیتامین A سودێكی ئه‌وتۆی هه‌یه‌ بۆ ته‌ندروستی پێست و قژ و چاو. خواردنه‌وه‌ی ئاوی گێزه‌ر وه‌ك سه‌رچاوه‌یه‌ك بۆ نه‌هێشتنی په‌ڵه‌ی ده‌م و چاو به‌كارده‌هێنرێت.

٣. خه‌یار: خه‌یار وه‌ك سه‌رچاوه‌یه‌ك بۆ سپیكردنه‌وه‌ی پێست و نه‌هێشتنی په‌ڵه‌ و ڕه‌شی ژێر چاو به‌كارده‌هێنرێت.  

٤. په‌تاته‌: په‌تاته‌ بۆ پێست به‌ باشترین پاككه‌ره‌وه‌ داده‌نرێت و باشترین ڕێگه‌چاره‌یه‌ بۆ  ئاسایكردنه‌وه‌ی پێستی سوتاو به‌هۆی تیشكی خۆره‌وه‌. هه‌روه‌ها په‌تاته‌ بۆ نه‌هێشتنی ئاوسانی ژێر چاو زۆر كاریگه‌ره‌ ئه‌مه‌ش به‌ دانانی ئه‌ڵقه‌ی په‌تاته‌ له‌سه‌ر چاوه‌كان بۆ ماوه‌ی ٢٠ خوله‌ك.

٥. پڕته‌قاڵ: توێكڵی پڕته‌قاڵ بۆ نه‌هێشتنی زبری و وشكی ده‌ست كاریگه‌ره‌ و وه‌ك سه‌رچاوه‌یه‌ك بۆ نه‌رم كردنی ده‌سته‌كان به‌كارده‌هێنرێت.

٦. سێو: سێو به‌ شای میوه‌كان داده‌نرێت له‌ بواری جوانكاریدا و بۆ پاككردنه‌وه‌ی پێست سودێكی زۆری هه‌یه‌ و هه‌روه‌ها بۆ به‌رگری كردن له‌ پیری زۆر كاریگه‌ره‌. 

٧. قه‌یسی: قه‌یسی به‌كارده‌هێنرێت بۆ به‌رگریكردن له‌ چرچ و لۆچی ده‌م و چاو. هه‌روه‌ها بۆ نه‌رمكردن و جوانكردنی ده‌سته‌كان به‌كارده‌هێنرێت.

٨. لیمۆ: لیمۆ بۆ سپیكردنه‌وه‌ی ددان و نه‌هێشتنی په‌ڵه‌ی ده‌م و چاو به‌كارده‌هێنرێت.


3 هەفتە پێشتر - Sep 30 2017 4:33PM
Print Friendly and PDF
زیاتر