پسپۆڕانی تەندروستی چەند نیشانەیەکی توشبونیان بە کۆرۆنا لە منداڵی ساوا دا دەستنیشانکردووە .
دیارترین نیشانەکان بریتییە لە :
بەرزبونەوەی پلەی گەرمی لەش : بەرزبونەوەی پلەی گەرمی لە منداڵ دا مەترسیدارە بەتایبەت لە منداڵی خوار تەمەن ٣ مانگ پێویستە بەزووی پشکنینی بۆ ئەنجامبدرێت .
دروستبوونی پەڵەی ورد لەسەر پێست : پەڵەی سەر پێست بە نیشانەیەکی جیاکەرەوە دادەنرێت لە منداڵی ساوادا کە ڕەنگە نیشانەی کەمی گەشتنی خوێن بێت بۆ خانەکانی پێست .
دڵتێکەڵهاتن : ڕشانەوەو دڵ تێکەڵهاتن بە یەکێک لە نیشانە سەرەکییەکانی توشبونی منداڵ بە ڤایرۆسی کۆرۆنا دادەنرێت ، ئەگەر کێشەی تەندروستی لە گەدە و سییەکانیدا نەبێت .
هەڵئاوسانی لێو پێست : هەڵئاوسانی هەر بەشێکی جەستە نیشانەی بوونی هەوکردنە، بوونی هەڵئاوسانی لێو و دروستبوونی لیر و پەڵەی ورد لەسەر پێست لە زۆرێك لە منداڵی توشبوو بە ڤایرۆسی کۆرۆنا دەرکەوتووە .
ئازاری ماسولکەکان : ئازاری ماسولکەکان نیشانەیەکی سەرەکی توشبوونە بە کۆرۆنا لە پێگەیشتوان دا لە منداڵیشدا بەهامان شێوەیە، بوونی ئازاری ماسولکە لە منداڵ دا دەبێتە هۆی خەوزڕاندنیان و گریانی زۆر و بێزاریان دەکات .
پسپۆڕان ڕێنمانی دایك و باوکان دەکەن لەکاتی دەرکەوتنی ئەم نیشانانە لە منداڵ دا سەردانی پزیشک بکەن و پشکنینی تایبەتیان بۆ ئەنجامبدەن .